ప్రముఖ నటుడు నందమూరి బాలకృష్ణ బుధవారం ఉదయం మంగళాద్రి క్షేత్రాన్ని సందర్శించారు. ఇటీవల ఆయన నటించిన అఖండ చిత్రం ఘన విజయం సాధించిన విషయం విదితమే. మంగళాద్రి క్షేత్రానికి విచ్చేసిన బాలయ్య కు ఘన స్వాగతం లభించింది. బాలయ్యతో పాటు స్టార్ డైరెక్టర్ బోయపాటి శ్రీను, పలువురు యూనిట్ సభ్యులు స్వామివారిని దర్శించుకున్నారు.
తొలుత విజయవాడ ఇంద్రకీలాద్రిపై వేంచేసిన శ్రీ కనకదుర్గ అమ్మవారిని దర్శనం చేసుకుని, మంగళగిరికి విచ్చేశారు. దర్శనం అనంతరం పెదకాకాని బయలుదేరి వెళ్లారు.
విజయవాడలో...
ఇంద్రకీలాద్రిలో అమ్మవారిని దర్శించుకున్నాక హీరో నందమూరి బాలయ్య మాట్లాడారు. ఆయన ఏమన్నారంటే…
” అఖండ సినిమా అఖండమైన విజయం సాధించింది. సినిమా విజయంతో అమ్మవారిని దర్శించుకున్నాం. మీరంతా సకుటుంబ సపరివార సమేతంగా సినిమాకి రావడం సంతోషం. నందమూరి తారక రామారావు ఆనాడు భక్తిని కాపాడారు..ఇప్పుడు సనాతన ధర్మాన్ని కాపాడిన సినిమా ‘అఖండ’. సినిమాను ఆదరించిన ప్రేక్షక దేవుళ్లకి కృతజ్ఞతలు. అమ్మవారి అశీస్సులతో సినిమా దిగ్విజయంగా ప్రదర్శింపబడుతుంది. మంచి సినిమాను ప్రజలు ఆదరిస్తారని మరోసారి నిరూపించారు. టిక్కెట్ల విధానంపై గతంలో చర్చించుకున్నాం..ఏదైతే అదని సినిమా విడుదల చేసాం. సినిమా మంచిగా వచ్చిందని డేర్ స్టెప్ వేశాం. కొంతమంది ఆగినా మేమెక్కడా వెనుకడుగు వేయలేదు. కోర్టు తీర్పు తర్వాత ప్రభుత్వం అప్పీల్ కు వెల్తుందంటున్నారు చూద్దాం. న్యాయ నిర్ణేత దేవుడే. దేవుడున్నాడు.మంచి కధ వస్తే మల్టీస్టారర్ సినిమా తీస్తాం. చిత్రం విజయం పరిశ్రమకు ఊపిరినిచ్చింది.అఖండ సినిమా విజయం తో మిగతా వారికి ధైర్యం వచ్చింది.. అందరూ సినిమాలను విడుదల చేసేందుకు సిద్ధమవుతున్నారు
నిర్మాత రవీంధ్రరెడ్డి కామెంట్స్
‘అఖండ‘ సినిమాను ధియేటర్లో మాత్రమే చూడాలి . అందుకే డేర్ చేసి రిలీజ్ చేశాం. సినిమా విజయం పరిశ్రమకు మంచి బూస్ట్ నిచ్చింది. దర్శకుడు బోయపాటి శ్రీను మాట్లాడుతూ సినిమాను గెలిపించిన ప్రతిఒక్కరిని ధన్యవాదాలు తెలిపారు.
