జస్టిస్ నూతి రామ్మోహన్ రావు అనే పేరు విన్నారుగా. ఆయన ఉమ్మడి ఆంధ్ర రాష్ట్రం హైకోర్టు జడ్డిగా ఉండే వారు. తర్వాత మద్రాసు హైకోర్టు జడ్జిగా పని చేసి రిటైరయ్యారు. ఆయన, భార్య, కుమారుడు కలసి వరకట్నం కోసం కోడలు సింధు శర్మ ను హింసించే వారని అరోపణలున్నాయి. దీనికి ఆయన మీద, కుటుంబ సభ్యుల మీద కేసులు నమోదులయ్యాయి. ఇండియన్ పీనల్ కోడ్ , వరకట్న నిషేధ చట్టం సెక్షన్ 498ఎ (భర్త, బంధువుల చేతిలో భార్య వేధింపులు), 323( ఉద్దేశపూర్వకంగా గాయపర్చడం), 406(నమ్మకాన్ని వమ్ము చేయడం) కింద వారి మీద కేసులు నమోదయ్యాయి.
మాజీ జడ్జి, ఆయన భార్య, కుమారుడు కలసి ఎలాహింసించారో వెల్లడించే వీడియో ఫుటేజ్ ఇపుడు బయటకు వచ్చింది. వైరలయ్యింది. ఇపుడు జస్టిస్ నూతి రామ్మోహన్ రావు మీద ఆయన కుటుంబ సభ్యుల మీద ఐపిసి 354 ( దాడిచేయడం, అత్యాచారం చేసేందుకు వత్తిడి తీసుకురావడం) 307( హత్యాయత్నం) ల కింద కేసులు పెట్టే అవకాశం ఉందని పోలీసు వర్గాలు చెబుతున్నాయి.
ఈ కేసు ఈ నెల 23 న విచారణకు వస్తున్నది.
In the video you can see the retired Chief Justice of Tamil Nadu Justice Nooty Ram Mohan Rao bashing and manhandling his daughter in law with the support of his wife and son. pic.twitter.com/WZFEkRpbGS
— Pandit Ji (@panditjipranam) September 20, 2019