సాంకేతిక కారణాల వల్ల అమీర్ పేట్ నుంచి హైటెక్ సిటీ మార్గంలో తిరుగుతున్న మెట్రో రైళ్లు ఆలస్యం అవుతున్నాయని మెట్రో రైల్ ఎండి ఎన్విఎస్ రెడ్డి అంగీకరించారు.దీనికి ఆయన వివరణ ఇచ్చారు.
ఆయన చెప్పిన కారణాలివి:
సాంకేతిక కారణాల వల్ల రైలు ఆగిపోయింది. గడిచిన కొద్దిరోజులుగా సాంకేతిక సమస్య మూడుసార్లు ఉత్పన్నమైంది. ఈరోజు ఉదయం సాంకేతిక సమస్య కారణంగా జూబ్లీహిల్స్ రోడ్ నెంబర్ 5 స్టేషన్ లో ట్రైన్ నిలిచిపోయింది… సాంకేతిక సమస్యల కారణంగా కొన్ని సార్లు 15 నిమిషాలకు పైగా ఒక ట్రైన్ కు మరొక ట్రైన్ కు మధ్య వ్యవధి పెరిగింది.
ఏడున్నర నిమిషాలకు ఒక ట్రైన్ నడపాలని మొదట్లో నిర్ణయించినప్పటికీ కొన్నిసార్లు సాంకేతిక సమస్యలు ఉత్పన్నమవుతున్నాయి. దీనివల్ల అలా నడపడం సాధ్యం కావడం లేదు. ప్రయాణికుల భద్రత దృష్ట్యా జూబ్లీహిల్స్ రోడ్ నెంబర్ 5 స్టేషన్లో ట్రైన్ ను నిలిపి వేయడం జరుగుతున్నది. ఇలాంటి సందర్భాల్లో ఎమర్జెన్సీ బటన్ నొక్కి ఎందుకు ట్రైన్ ఆగింది అంటూ ప్రయాణికులు ప్రశ్నిస్తున్నారు… ట్రైన్ సాంకేతిక కారణాలతో ఆగిపోయినప్పుడు ప్రయాణికులు ఇబ్బందికి గురి కాకుండా ఎప్పటికప్పుడు తగిన సూచనలు ఇవ్వాలని నిర్మాణ సంస్థ ఎల్ అండ్ టీని ఆదేశించాం.