ఏపీకి సహాయం చేసే ఉద్దేశం ఎక్కడా అరుణ్‌ జైట్లీ మాటల్లో కనిపించలేదు అందుకే కేంద్రమంత్రులతో రాజీనామా చేయించాలనే అభిప్రాయానికి వచ్చాం అని ఆంధ్ర ప్రదేశ్ ముఖ్యమంత్రి చంద్రబాబు నాయుడు ప్రకటించారు.
‘టీడీపీకి ఎప్పుడూ పదవులు ముఖ్యం కాదు-మా పార్టీకి చెందిన ఇద్దరు కేంద్రమంత్రులను రాజీనామా చేయాలని ఆదేశించాం… రేపు రాజీనామా చేస్తారు-,’ అని ఆయన బుధవారం రాత్రి పొద్దుపోయాక చెప్పారు. అంతకు ముందు ఆయన పార్టీ నేతలతో సమాలోచనలు జరిపారు. ఆయన చెప్పిన మరికొన్ని విషయాలు:
**కేంద్ర మంత్రులతో రాజీనామా చేయించడమే ఫస్ట్ స్టెప్… తర్వాత మరికొన్ని నిర్ణయాలు తీసుకుంటాం
**రాజీనామా విషయాన్ని ప్రధానికి చెప్పేందుకు ప్రయత్నించాం… కానీ, ప్రధాని అందుబాటులోకి రాలేదు-
**మేం ఎక్కడా గొంతెమ్మ కోర్కెలు కోరలేదు.
**దేశ రక్షణ నిధులు కూడా ఇమ్మంటున్నారన్న అర్థంలో అరుణ్‌ జైట్లీ మాట్లాడారు.
**మొదట కేంద్ర కేబినెట్ నుంచి బయటకు రావాలని నిర్ణయించుకున్నాం… తర్వాత ఏంటనేది మళ్లీ చెబుతాం.
**మేం అన్ని ప్రయత్నాలు చేశాం… 29 సార్లు ఢిల్లీ వెళ్లాం… మూడు సార్లు గట్టిగా నిలదీశాం… అయినా న్యాయం చేయలే.
**మేం కేబినెట్‌లో చేరిన ఉద్దేశం నెరవేరనప్పుడు… అందులో ఉండడం సరికాదని బయటకు వస్తున్నాం.
**ఇప్పుడు ఫ్రంట్స్‌ గురించి మాట్లాడే సమయం కాదు.
**రాజీనామా నిర్ణయంతో కేంద్రం ఎలా స్పందిస్తుందో చూస్తాం… ఆ తర్వాత రాష్ట్ర ప్రయోజనాల కోసం ఏం చేయాలో అది చేస్తాం-ఎన్నిసార్లు చెప్పినా కేంద్ర వైఖరిలో మార్పులు రాలేదు… కాబట్టే ఈ నిర్ణయం తీసుకున్నాం-