జీవితంలో ముందుకెళ్ళాలన్న ఆలోచన, ఎవరికీ కనపడని అవకాశాల్ని చూడగల్గిన చూపూ, కొత్త దిశల్ని ఆవిష్కరించే మనోబలం వున్న నాడు మసాలా పొడులే మహాశయుల్ని సృష్టించగలవు. ఆ మహాశయులు పద్మ భూషణ్ లూ కూడా కావచ్చు.
మహాశయ్ ధరం పాల్ గులాటి పేరుకి మాత్రమే మహా శయుడు కాదు, ప్రపంచ ప్రఖ్యాతి చెందిన MDH మసాలాల కంపెనీ వ్యవస్థాపకుడు.
MDH అంటే “మహాశియా ది హట్టి” (మహాశియా వారి అంగడి) అని అర్థం. ఖాళీ చేతులూ, ఖాళీ మనసులు మనుషుల్ని ముందుకెళ్ళనీయవు. మహాశయ్ మనసు ఖాళీగా లేదు, దానిలో భవిష్యత్తులో తానేదో సాధిస్తానన్న ఆశ, ఆ ఆశ ను సాకారం చేసుకో గలనన్న ఉత్సాహం అతణ్ణి ప్రపంచ ఖ్యాతి చెందిన MDH మసాలా పొడుల సంస్థ యజమానిగా నిలబెట్టింది.
సియాల్ కోట్ (ఇప్పటి పాకిస్తాన్ లో వుంది) లోని ఓ కుటుంబం లో మార్చి 27, 1923 లో జన్మించాడు ధరం పాల్ గులాటి చదువు అబ్బలేదు. అయిదో తరగతి వరకు చదివాడు కానీ పరీక్షలు రాయలేదు. 1933 లో కుటుంబ వ్యాపారమైన మసాలాలు అమ్మే చిన్న కిరాణం కొట్టు (“మహాశియా ది హట్టి”) లాంటి దాన్లో కూర్చో బెట్టాడు తండ్రి. అలా మొదలయింది ఆయన ఉద్యోగ పర్వం. 1947 లో స్వాతంత్ర్యం వచ్చి దేశవిభజన జరిగిన తరువాత, ధరం పాల్ గులాటి కుటుంబం వున్నదంతా వదిలిపెట్టి, ఢిల్లీ వచ్చేసింది. బ్రతుకు తెరువు మొత్తం మళ్ళీ మొదటినుంచి మొదలు పెట్టాల్సిన పరిస్థితి ఏం చేయడానికీ పాలు పోక ఆయన వున్న కొద్ది పాటి డబ్బుల్తో ఒక టాంగా కొనుక్కుని నడపడం మొదలు పెట్టాడు. అయినా ఆయన మనసులో ని వ్యవస్థాపకుడు, వ్యాపార వేత్త చావలేదు.
ఈరోజు 1000 కిపైగాడిస్ట్రిబ్యూటర్లూ, 4 లక్షలకుపైగారిటెయిలర్లతోఈమసాలాపొడులుప్రపంచవ్యాప్తంగాఅమ్ముడవుతున్నాయి. ఈమసాలాపౌడర్లు, లండన్, అమెరికా, ఆఫ్రికాన్యూజిలాండ్, సౌదీ, సింగపూర్లలోవిరివిగాఅమ్ముడుపోతున్నాయి. ఇప్పుడు MDH వద్దఒకరోజులోదాదాపు 30 టన్నులమసాలాపొడులుతయారుచేయడానికి, పాకీంగ్చేయడానికిఅవసరమైనసాంకేతికతాఆధునికయంత్రాలూవున్నాయి. ఒకఅంచనాప్రకారంఈకంపెనీటర్నోవర్ 2000 కోట్లపైచిలుకు.
భారత దేశం, దుబాయి లలో ఈ కంపెనీ కి 18 ఫాక్టరీలున్నాయి. ఈ కంపెనీ చనా మసాలా, గరం మసాలా, పావ్ భాజీ మసాలా ల లాంటి 62 రకాలా ఉత్పాదకాలతో ఉత్తర భారత దేశం లో 80% మార్కెట్ షేర్ కలిగి ఈ వ్యాపార క్షేత్రం లో ఎవరెస్టు మసాలా ల తరువాత రెండో స్థానం లో వుంది.
ఈ కంపెనీ ఒక వ్యాపార ప్రకటన తయారు చేస్తున్నపుడు, ఒక సన్నివేశం లో పెళ్లి కూతురు తండ్రి గా నటించే నటుడు రాలేదు. అప్పుడు డైరెక్టరు ధరం పాల్ తో నే తండ్రి పాత్ర చేయించాడు. ఈ రకంగా వ్యాపార ప్రకటనల్లో వచ్చే అత్యంత అధిక వయసుగల నటుడిగా ఈయన వుండటం ఆసక్తికరం.
