ప్రధాని మోదీ , చైైనా అధ్యక్షుడు షీ ల నేటి ప్రోగ్రాం ఇదే

ప్రధాని నరేంద్ర మోదీ, చైనా అధ్యక్సుడు షీ జిన్ పింగ్ ల  శిఖరాగ్ర సమావేశం చెన్నై సమీపంలోని మహాబలిపురంలో ఈ రోజు జరుగుతున్న సంగతి తెలిసిందే. మహాబలిపురం ప్రాచీన కాలంలో పెద్ద రేవు పట్టణం.

అంతేకాదు, అక్కడి నుంచే చైనా నాటి ఇండియాల మధ్య నౌకా వ్యాపారం జోరుగా జరిగేది. సముద్ర మార్గంలోని  సిల్క్ రూట్లలో ఈ రేవుకు చాలా ప్రాముఖ్యం ఉండేది.

దీనిని గుర్తుచేసుకునేందుకు ఇరువు నేతలు ఇక్కడ సమావేశమవుతున్నారు. గతంలో నెహ్రూ ప్రధాని ఉన్నపుడు నాటి చైైనా ప్రధాని చౌ ఎన్ లై భారత్ వచ్చినపుడు కూడా మహాబలిపురం సందర్శించారు.

శుక్రవారం మధ్యాహ్నం చెన్నై చేరుకుని.. తిరిగి శనివారం మధ్యాహ్నం చైనాకు బయలుదేరనున్న జిన్​పింగ్ పూర్తి పర్యటన ఇలా సాగనుంది.

అక్టోబర్​ 11 (శుక్రవారం)
మధ్యాహ్నం

1:20 : ప్రత్యేక విమానంలో చెన్నై విమానాశ్రయానికి చైనా అధ్యక్షుడు జిన్​పింగ్​.

1:45 : గిండీ ప్రాంతంలోని ఐటీసీ ఛోళా హోటల్​కు చేరుకోనున్న జిన్​పింగ్​. అక్కడే కాసేపు సేదతీరి.. మహాబలిపురానికి పయనం.

సాయంత్రం
మహాబలిపురంలో జిన్​పింగ్​కు ప్రధాని నరేంద్రమోదీ ఘనస్వాగతం

5:00 : ‘అర్జున పెనెన్స్’ సందర్శన

5:20 : పంచరథాల స్మారక సముదాయం సందర్శన

5:45 : షోర్​ దేవాలయానికి ఇరువురు నేతలు

అనంతరం సాంస్కృతిక కార్యక్రమాలు తిలకించనున్న మోదీ-జిన్​పింగ్​, మహాబలిపురంలోనే రాత్రి భోజనం.

రాత్రి

9:00 : చెన్నై ఐటీసీ ఛోళా హోటల్​కు జిన్​పింగ్​ తిరుగుపయనం

అక్టోబర్​ 12 (శనివారం)

ఉదయం 9 గంటలకు జిన్​పింగ్​ మహాబలిపురానికి పయనమవుతారు.

అనంతరం ప్రధాని మోదీతో చైనా అధ్యక్షుడు అనధికారిక భేటీలో పాల్గొంటారు.

మధ్యాహ్నం

1:00 : జిన్​పింగ్​ చెన్నైకు తిరుగుపయనం

2:20 : చైనాకు బయలుదేరనున్న జిన్​పింగ్​

(పరిస్థితులను బట్టి ఈ సమయాల్లో స్వల్ప మార్పులు జరిగే అవకాశముంది)