శెభాష్‌ సాదియా! లోకేష్ అభినందన

–  ఇటలీ, ఇస్తాంబుల్ లో జరిగిన వ‌ర్‌లిఫ్టింగ్ పోటీల్లో స్వ‌ర్ణం సాధించిన మంగళగిరి   సాదియా సల్మాన్ ని  టిడిపి జాతీయ ప్ర‌ధాన కార్య‌ద‌ర్శి నారా లోకేష్‌ అభినందించారు

 సోమ‌వారం ఆయ‌న విడుద‌ల చేసిన ప్రకటన.

“టర్కీ రాజధాని ఇస్తాంబుల్‌లో జరిగిన ఏషియన్ పవర్ లిఫ్టింగ్ చాంపియన్ షిప్ పోటీల్లో మంగ‌ళ‌గిరికి చెందిన సాధియా స్వర్ణ పతకాన్ని సాధించ‌డం చాలా ఆనందంగా ఉంది. 57 కేజీల విభాగంలో జరిగిన ఈ పోటీల్లో స్క్వాడ్- 167.5 కేజీలు, బెంచ్ ప్రెస్- 70 కేజీలు, డెడ్ లిఫ్ట్ 157.5 కేజీలు మొత్తంగా 395 కేజీలు బరువు ఎత్తి ఓవరాల్ బంగారు పతకాన్ని సాధించి మంగ‌ళ‌గిరి ఖ్యాతిని అంత‌ర్జాయ‌తీ స్థాయికి తీసుకెళ్లిన సాధియాని మ‌న‌స్ఫూర్తిగా అభినందిస్తున్నాను.  సాధియా ఈ ఘ‌న‌త సాధించ‌డంలో తండ్రి, కోచ్‌ షేక్ సంధాని పాత్ర ఎన‌లేనిది. అంత‌ర్జాతీయ పోటీల్లో స‌త్తాచాటుతోన్న సాధియాకి  చేత‌నైనంత స‌హ‌కారం అందిస్తాను.”

-ఆవ్వారు శ్రీనివాసరావు