మే 23 నుండి 31వ తేదీ వరకు న్యూఢిల్లీలో ఏకాంతంగా శ్రీ వేంకటేశ్వరస్వామివారి వార్షిక బ్రహ్మోత్సవాలు
టిటిడికి అనుబంధంగా ఉన్న న్యూఢిల్లీలోని శ్రీవేంకటేశ్వర స్వామివారి ఆలయంలో మే 23 నుంచి 31వ తేదీ వరకు వార్షిక బ్రహ్మోత్సవాలు జరుగనున్నాయి. మే 22న సాయంత్రం అంకురార్పణం జ‌రుగ‌నుంది. కోవిడ్‌-19 వ్యాధి వ్యాప్తి నివార‌ణ చ‌ర్య‌ల్లో భాగంగా బ్ర‌హ్మోత్స‌వాల‌ను ఆలయ ప్రాంగ‌ణంలో ఏకాంతంగా నిర్వ‌హిస్తారు.
బ్రహ్మోత్సవాల ముందు మే 18వ తేదీ కోయిల్‌ ఆళ్వార్‌ తిరుమంజనం(ఆలయ శుద్ధి) నిర్వ‌హిస్తారు. మే 23వ తేదీ ఉదయం 7 నుండి 8 గంటల వరకు వృష‌భ ల‌గ్నంలో ధ్వజారోహణం నిర్వహించనున్నారు. బ్రహ్మోత్సవాల్లో ఉదయం 8 నుండి 9 గంటల వరకు, సాయంత్రం 5 నుండి 6 గంటల వరకు వాహన సేవలు జరుగనున్నాయి. జూన్ 1వ తేదీన సాయంత్రం 5 నుండి 6 గంటల వరకు పుష్ప‌యాగం నిర్వ‌హిస్తారు.
బ్రహ్మోత్సవాల్లో వాహనసేవల వివరాలు :
23-05-2021 ఉదయం – ధ్వజారోహణం, సాయంత్రం – పెద్ద‌శేష వాహనం.
24-05-2021 ఉదయం – చిన్న‌శేష వాహనం, సాయంత్రం – హంస వాహనం.
25-05-2021 ఉదయం – సింహ వాహనం, సాయంత్రం – ముత్య‌పుపందిరి వాహనం.
26-05-2021 ఉదయం – క‌ల్ప‌వృక్ష వాహనం, సాయంత్రం – స‌ర్వ‌భూపాల వాహనం.
27-05-2021 ఉదయం – మోహినీ అవ‌తారం, సాయంత్రం – క‌ల్యాణోత్స‌వం, గ‌రుడ వాహనం.
28-05-2021 ఉదయం – హ‌నుమంత వాహనం, సాయంత్రం – గజవాహనం.
29-05-2021 ఉదయం – సూర్య‌ప్ర‌భ వాహనం, సాయంత్రం – చంద్ర‌ప్ర‌భ వాహనం.
30-05-2021 ఉదయం ర‌థోత్స‌వం, సాయంత్రం అశ్వ వాహనం.
31-05-2021 ఉదయం చక్రస్నానం, సాయంత్రం ధ్వజావరోహణం.