నెహ్రూ జూలాజికల్ పార్క్ (ఎన్‌జెడ్‌పి), జంతు ప్రదర్శనశాలలో ఉన్న ఎనిమిది ఆసియా సింహాలు కోవిద్ లక్షణాల నుంచి కోలుకుంటున్నాయి. కొన్ని లక్షణాలు కనిపించటంతో ఏప్రిల్ 24 న సిసిఎంబి-లాకోన్స్‌తో నమూనాలను అనస్థీషియా కింద ముక్కు, గొంతు మరియు శ్వాసకోశ నుండి సేకరించినట్లు అధికారులు తెలిపారు.
శ్వాసకోశ ఇబ్బందులు పడుతున్నందున జంతువులకు పరీక్షలు నిర్వహించి, నమూనాలు సేకరించారు. మే 4, 2021 న CCMB- LaCONES వివరణాత్మక విశ్లేషణ పరీక్షలు, నివేదిక ఆధారంగా ఎనిమిది ఆసియా సింహాలు SARS-CoV2 వైరస్ కోసం పాజిటివ్ పరీక్షించగా ఇప్పుడు నిర్ధారించబడింది.
అయితే లక్షణాలు కనిపించిన రోజు (ఏప్రిల్ – 24) నుంచే మందు జాగ్రత్తగా జూ అధికారులు, సిబ్బంది చికిత్స ప్రారంభించారు. దీంతో సింహాలు అన్నీ ఇప్పటికే బాగా కోలుకున్నాయి. సాధారణ స్థితికి చేరుకున్నాయి.
నమూనాల యొక్క మరింత విశ్లేషణ జంతువులకు వ్యాధి సంక్రమణకు ప్రత్యేక కారణాలను వెల్లడించలేదు.
ఎనిమిది సింహాలను ముందుగానే వేరుగా (ఐసోలేషన్) చేసి, తగిన జాగ్రత్తలతో పాటు అవసరమైన చికిత్స అందించారు. ఎనిమిది సింహాలూ చికిత్సకు బాగా స్పందించి కోలుకున్నాయి. అవి మామూలుగా ప్రవర్తిస్తున్నాయి, ఆహారం బాగా తింటున్నాయి.
జూ సిబ్బందికి కరోనా సోకకుండా నివారణ చర్యలు చేపట్టామని అధికారులు తెలిపారు. సెంట్రల్ జూ అథారిటీ నిబంధనల మేరకు జూ ను ఇప్పటికే మూసివేయబడింది. సందర్శకులకు అనుమతి లేకుండా చర్యలు తీసుకున్నారు.
SARS CoV-2 కేసుల సంఖ్య పెరుగుతున్న నేపథ్యంలో జంతు ప్రదర్శనశాలలు చేపట్టాల్సిన జాగ్రత్తలపై మార్గదర్శకాలు, సలహాల జారీ చేశామని సంబంధిత కేంద్ర ప్రభుత్వ శాఖ అధికారులు తెలిపారు. సెంట్రల్ జూ అథారిటీ అనేక ముందస్తు చర్యలు తీసుకుంది.
నివారణ, నమూనా సేకరణ, అనుమానిత కేసులలో గుర్తించడం, జంతు సంరక్షకుల కోసం భద్రతా ప్రోటోకాల్స్ మొదలైన వాటి కోసం పర్యవేక్షణ అండ్ మార్గదర్శకాలు ఇచ్చామని సెంట్రల్ జూ అథారిటీ తెలిపింది. శాస్త్రీయ సంస్థలు, నిపుణులతో సంప్రదించి జంతు ప్రదర్శనశాలలకు సూచించబడ్డాయి. తదుపరి దశల్లో భాగంగా, నిపుణులతో సంప్రదించి COVID జాగ్రత్తల కోసం కొత్త మార్గదర్శకాలను మరింత అభివృద్ధి చేస్తున్నారు.
గత సంవత్సరం ప్రపంచంలోని SARS-COV2 పాజిటివ్‌ను అనుభవించిన జూ జంతువులతో అనుభవం ఆధారంగా, జంతువులు ఈ వ్యాధిని మానవులకు వ్యాప్తి చేయగలవని ఎటువంటి వాస్తవమైన ఆధారాలు లభించలేదు.