తిరుచానూరులోని శ్రీ పద్మావతి అమ్మవారి ఆలయంలో జ‌న‌వ‌రి 6వ తేదీ బుధ‌వారం నుండి విఐపి బ్రేక్ దర్శనం పునఃప్రారంభం కానుంది. క‌రోనా లాక్‌డౌన్ కార‌ణంగా ఆలయంలో విఐపి బ్రేక్ దర్శనాన్ని తాత్కాలికంగా నిలిపివేసిన విష‌యం తెలిసిందే. కేంద్ర, రాష్ట్ర ప్రభుత్వాల కోవిడ్‌-19 మార్గ‌ద‌ర్శ‌కాల‌ను అనుసరించి జూన్ 8 నుండి ఆలయంలో అమ్మవారి ద‌ర్శ‌నానికి భ‌క్తులను అనుమ‌తిస్తున్నారు.
ఈ క్ర‌మంలో భ‌క్తుల సౌక‌ర్యార్థం ఉదయం 11.30 నుండి 12 గంటల వరకు, సాయంత్రం 7 నుండి 7.30 గంటల వరకు విఐపి బ్రేక్ దర్శనాన్ని టిటిడి తిరిగి అమలుచేయనుంది. ప్రోటోకాల్‌ విఐపిలకు నిర్దేశించిన సమయంలో అమ్మవారి దర్శనం కల్పించేందుకు, సాధారణ భక్తులకు అసౌకర్యాన్ని తగ్గించేందుకు బ్రేక్ దర్శనాన్ని టిటిడి తిరిగి ప్రారంభించింది.