జాతీయ చేనేత అభివృద్ధి సంస్థ (ఎన్‌హెచ్‌డిసి) విజయవాడ ప్రాంతీయ కార్యాలయాన్ని బ్రాంచ్ కార్యాలయం స్థాయికి హోదా తగ్గించవద్దని కేంద్ర జౌళి శాఖ మంత్రి, శ్రీమతి స్మృతి ఇరానీ కి టీడీపీ జాతీయ ప్రధాన కార్యదర్శి, ఎమ్మెల్సీ, నారా లోకేష్ లేఖ రాశారు.
చేనేత కుటుంబాలు ఎక్కువగా ఉన్న రాష్ట్రాల్లో దక్షిణ భారతదేశంలో ఏపీ 2వ స్థానంలో ఉందని, రాష్ట్రంలో 3 లక్షలకు పైగా నేత కార్మికులు ఉన్నారని, ఎన్‌హెచ్‌డిసి ప్రాంతీయ కార్యలయం విజయవాడలో కొనసాగాలని ఆయన లేఖలో పేర్కొన్నారు. ఈ కార్యాలయం స్థాపించిన నాటి నుంచి చేనేత ఆదాయంలో స్థిరమైన పెరుగుదల ఉందని చెబుతూ దీనిని బ్రాంచ్ కార్యాలయం స్థాయికి కుదిస్తే ప్రతిఅవసరానికి హైదరాబాద్ లో ఉన్న ప్రాంతీయ కార్యాలయం మీద ఆదారపడాల్సి ఉంటుంది, ఇది నూలు సప్లయిలో జాప్యానికి దారితీస్తుందని ఆయన లేఖలో ఆందోళనవ్యక్తం చేశారు.
ఈ మధ్య కాలంలో హైదరాబాద్ కార్యాలయాన్నికూడా బ్రాంచ్ ఆఫీస్ గా కుదించారని, అయితే, హోంశాఖ సహాయ మంత్రి జి కిషన్ రెడ్డి జోక్యం తీసుకోవడంతో హైదరాబాద్ ను ప్రాంతీయ కార్యాలయంగానే కొనసాగిస్తున్నారని ఆయన లేఖలో గుర్తు చేశారు. అయితే, విజయవాడ ప్రాంతీయ కార్యాలయాన్ని మాత్రం బ్రాంచ్ స్థాయికి కుదించారని ఆయన చెప్పారు. విజయవాడ కార్యాలయం టర్నోవర్ బాగా ఎక్కువగా ఉన్న, సుమారు 200 సొసైటీలు ఈ కార్యాలయం పరిధిలో ఉన్నా ఈ నిర్ణయం తీసుకోవడం పట్ల ఆయనఆశ్చర్యం వ్యక్తం చేశారు.
జాతీయ చేనేత అభివృద్ధి సంస్థ ప్రాంతీయ కార్యాలయాన్ని విజయవాడ కేంద్రంగా కొనసాగించాలoటూ కేంద్ర జౌళి శాఖ మంత్రి శ్రీమతి @smritiirani గారికి లేఖ రాసాను.చేనేత ఆదాయంలో స్థిరమైన పెరుగుదలకి కారణమైన బ్రాంచ్ కార్యాలయం ప్రాంతీయ కార్యాలయంగా అభివృద్ధి చెందింది.(1/2) pic.twitter.com/Fg9E6MNRWV
— Lokesh Nara #StayHomeSaveLives (@naralokesh) September 28, 2020