కమ్మ రాజ్యంలో కడప రెడ్లు… రామ్ గోపాల్ వర్మ కొత్త సినిమా టైటిల్

సెన్సేషనల్ నిర్ణయాల, చిత్రాల రామ్ గోపాల్ వర్మ తన తదుపరి చిత్రం టైటిల్ ను విజయవాడలో ప్రకటించారు. ఈ చిత్రం టైటిల్ కూడా చాలా సెన్సేషన్ గానూ, ప్రొవొకేటివ్ గాను ఉంది. టైటిల్ ఏంటంటే.. ‘కమ్మరాజ్యంలో కడప రెడ్లు’.

తెలుగుదేశం ప్రభుత్వానికి రామ్ గోెపాల్ వర్మకు  ఆ మధ్య లక్ష్మీస్ ఎన్టీయార్ చిత్రం విషయంలో వివాదం వచ్చింది. దీనితో సినిమా తెలంగాణ లో విడుదయింది. తెలుగుదేశం ప్రభుత్వం సినిమాలో రాజకీయాలు చూడటంతోఆం ధ్రలో విడుదల కాలేదు. మే 31న విడుదల చేస్తున్నారు. దీనితో రామ్ గోపాల్ వర్మ భగ్గున మండుతున్నారు. ఇపుడాయన విజయవాడుకు వచ్చి చంద్రబాబు కమ్మరాజకీయాల మీద కత్తినూరబోతున్నారు.

ఈ రోజు ఆయన విలేకరులతో మాట్లాడుతూ  తన తదుపరి చిత్రం టైటిల్ వెల్లడించారు. ఆయన ఇంకా ఏమన్నారంటే…

సైకిల్ చక్రం తిరిగి తిరిగి ఇప్పుడు పంక్చర్  అయ్యింది. ఎన్టీఆర్‌ జీవితం చివరి రోజుల్లో జరిగిన ఘటనల ఆధారంగా లక్ష్మిస్ యన్టీఆర్‌ సినిమా తీశాను. ఎన్నికల కోడ్ తెలంగాణ లో ఉన్నా రిలీజ్ చేశాం, ఎపి లో అడ్డుకున్నారు. విజయవాడ లో నా ప్రెస్ మీట్ పెట్టకుండా అన్యాయంగా అడ్డుకున్నారు. ఒక కీలక వ్యక్తి ఫోన్ చేయడం వల్ల నన్ను బలవంతంగా వెనక్కి పంపారు. ఆ వ్యక్తి ఎవరు అనేది త్వరలోనే బయటకు వస్తుంది. ఏ వ్యక్తి పొటో పెట్టుకుని ఓట్లు అడుగుతున్నారో అదే వ్యక్తి ని ఎలా వెన్నుపోటు పొడిచారో చూపించాం.నిజం తెలియడం ఆలస్యం కావచ్చేమో .. కానీ తెలియక తప్పదు.

మే 31న మా లక్ష్మీస్ యన్టీఆర్‌ ఎపి లో విడుదల చేస్తున్నాం.రోడ్డు మీద ప్రెస్ మీట్ పెడితే.. ఎండలో అభిమానులు ఇబ్బందులు పడతారు. ట్రాఫిక్ కు అంతరాయం కలుగుతుందనే ఈ రోజు నేనే వేదిక మార్చాను. ఆరోజు నన్ను బలవంతంగా అడ్డుకుని పంపించారు. ఒక్క ఫోన్ కాల్ ఆధారంగా బలవంతంగా పోలీసులు పంపించారు.. ఇప్పడు వాళ్లే గౌరవం గా తీసుకొచ్చారు. లక్ష్మీస్ ఎన్టీఆర్‌ సినిమాగాా మాత్రమే నేను తీశాను.చంద్రబాబు ఏదో ఊహించుకుని వారే వివాదం చేసుకున్నారు. ఎన్నికల కోడ్ దేశం అంతా ఉంటే ఎపి లోనే నా సినిమాకు అభ్యంతరం ఎందుకు అనేదే నా ప్రశ్న. మహరాజులా బతికిన ఎన్టీఆర్‌ ను డెబ్బై ఏళ్ల వయసులో ఇబ్బందులు పెట్టారు.  మళ్లీ అదే ఎన్టీఆర్‌ ఫొటో పెట్టుకుని రాజకీయాలు చేయడం నాకు కరెక్ట్ కాదనిపించింది. లక్ష్మీస్ ఎన్టీఆర్‌ సినిమా బిజీలో ఉండి పవన్ కళ్యాణ్ విషయాలను నేను పట్టించుకోలేదు

చిరంజీవి కి 18సీట్లు వస్తే, పవన్ కు ఒక్క సీటు వచ్చిందని విన్నాను.నా దృష్టిలో పవన్ జనసేన తో పోలిస్తే చిరంజీవి ప్రజారాజ్యం బాహుబలి. ‘కమ్మ రాజ్యం లో కడప రెడ్లు’ నా తర్వాత సినిమా. విజయవాడ వచ్చాకే ఈ సినిమా ఆలోచన నాకు వచ్చింది. కాంట్రవర్సీ అంశాల పై సినిమా లు తీయడం నాకు ఇష్టం. నాకు ఎవరినైనా గిల్లడం ఇష్టం.. నేను అలాగే ముందుకెళతా

చంద్రబాబు పరాజయానికి ఆయన చెప్పిన పనులు చేయకపోవడం ఒక కారణం. జగన్, లోకేష్ లు మరో కారణంగా భావిస్తున్నా.

Leave a Reply

Your email address will not be published. Required fields are marked *