హిందీ మంటలార్పేందుకు రంగంలోకి దూకిన తమిళ మంత్రులు

హిందీ వ్యతిరేకోద్యమం తమిళనాడులో పార్టీలకు అతీతంగా అంటుకోవడంతో కేంద్రం పరుగులు పెట్టింది. వెంటనే క్యాబినెట్ లోని ఇద్దరు తమిళమంత్రులు, అర్థిక మంత్రి నిర్మలా సీతారామన్, విదేశీ వ్యవహారాల శాఖ మంత్రి జైశంకర్ ను పరిస్థితి విషమించకుండా చూడాలని పురమాయించింది.

కేంద్ర మానవ వనరుల శాఖ గత వారం విడుదల చేసిన నూతన విద్యావిధానం ముసాయిదా లో హిందీ లో బలవంతంగా రుద్దే ప్రతిపాదన ఉంది. హిందీయేతర రాష్ట్రాలలో ఇది చాలా సున్నితమయిన అంశమయినా, కేంద్రంలో బిజెపి చాలా బలపడింది కాబట్టి, ఎవరూ ఎదురు చెప్పరనే ఉద్దేశంలో నర్సరీ స్కూల్ నుంచి ఇంటర్ దాకా హిందీభాషను కంపల్సరీ సబ్జక్టును చేయాలన్న ప్రతిపాదనతో ముసాయిదాలో చొప్పించారు. దాని మే నెలాఖరుల ఈ ముసాయిదా విడుదల చేసి, రాష్ట్రాలు మౌనంగా ఉంటే అమలు చేద్దాం, లేదంటే మార్పు చేద్దామని చూశారు. అయతే, తమిళనాడు భగ్గున మండింది. ఈ సారి బెంగాల్ కూడా తోడయింది. దీనితో ఇద్దరు తమిళ మంత్రులను రంగంలోకి తమిళ మనోభావాలు దెబ్బతినకుండా చూడాలని పంపించారు.వెంటనే జైశంకర్ తమిళం, ఇంగ్లీష్ లలో ఒక ట్వీట్ పెట్టారు.

‘ఇపుడు కేంద్ర మావన వనరుల శాఖకు అందించిన నూతన విద్యావిధానం అనేది ముసాయిదా మాత్రమే. దీనిమీద ప్రజలనుంచి అభిప్రాయాలను సేకరించడం జరగుతుంది. రాష్ట్ర ప్రభుత్వాలను సంప్రదించడం జరగుతుంది. వీటి తర్వాత ముసాయిదాకు తుదిరూపం ఇస్తారు. భారత ప్రభుత్వం అన్ని భాషలను గౌరవిస్తుంది. ఏ భాషను రద్దే ప్రసక్తి ఉండదు, అని ఆయన ట్విట్టర్ లో పేర్కొన్నారు.

The National Education Policy as submitted to the Minister HRD is only a draft report. Feedback shall be obtained from general public. State Governments will be consulted. Only after this the draft report will be finalised. GoI respects all languages. No language will be imposed

— Dr. S. Jaishankar (@DrSJaishankar) June 2, 2019

மத்திய அரசு மக்களின் கருத்துகளை கேட்டறிந்த பிறகே கல்வி குழுவின் வரைவை முன் எடுத்து செல்லும். அரசு அனைத்து இந்திய மொழிகளையும் வளர்க்கவும் ஊக்குவிக்கவும் எல்லா முயற்சியையும் எடுக்கும். எந்த மொழியையும் யார் மீதும் திணிக்கும் எண்ணம் மத்திய அரசுக்கு இல்லை./1

— Dr. S. Jaishankar (@DrSJaishankar) June 2, 2019

తమిళనాడు బెంగాల్ లలో వ్యతిరేకత రాగానే కేంద్రంలో కదలిక మొదలయింది.

నిర్మలాసీతారామన్ కూడా తమిళలో ఇదే విధంగా ట్వీట్ చేశారు. త్రి భాషా సూత్రం పేరుతో కేంద్రం హిందీని రుద్దేందుకు కస్తూరి రంగన్ నివేదికను వాడుకుంటూ ఉందని వస్తున్న ఆరోపణలకు ఆమె వివరణ ఇస్తూ ట్వీట్ చేశారు.
“The draft policy submitted by the committee will be implemented only after consulting people. The Prime Minister has launched #EkBharatShreshtaBharat only with the motive of promoting all languages,”అని ఆమె తమిళలో చెప్పారు.

மக்கள் கருத்துக்களை கேட்டறிந்த பின்பே கல்வி குழுவின் வரைவு அறிக்கை அமல்படுத்தப்படும். பிரதமர் அனைத்து இந்திய மொழிகளையும் வளர்க்க விரும்பியே “ஒரே பாரதம் உன்னத பாரதம்” “#EkBharatSreshthaBharat முயற்சியை துவக்கினார். தொன்மையான தமிழை போற்றி வளர்பதற்கு மத்ய அரசு முன்னின்று ஆதரிக்கும்.

— Nirmala Sitharaman (@nsitharaman) June 2, 2019

జైశంకర్, నిర్మలా సీతారామన్ లు కేంద్రంలో మంత్రులేగాని, వాళ్లు మేధావుల క్యాటగరిలోకి వస్తారు. రాజకీయనాయకులలాగా ప్రజలలతో సంబంధాలున్న వాళ్లు కాదు.అందువల్ల వాళ్ల మాటలు తమిళ ప్రజలు వింటారా? వేచిచూడాలి.